ಹೊಸಕೋಟೆ: ಸೂಲಿಬೆಲೆ ಬಳಿ ಎಸ್ ಬಿಐ ಬ್ಯಾಂಕ್ ಗೆ ಸಂಬಂಧಿಸಿದ ಎಟಿಎಂ (ATM ದರೋಡೆ ಮಾಡಲಾಗಿದೆ.
ಕಳ್ಳನ ಕೈ ಚಳಕ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಹಣದೋಚಿ ಖದೀಮರು ಪರಾರಿಯಾಗಿದ್ದಾರೆ.
ಸೂಲಿಬೆಲೆ ಗ್ರಾಮದಲ್ಲಿರುವ ಎಟಿಎಂ ನಲ್ಲಿ ಬೆಳಗಿನ ಜಾವ 3 ಗಂಟೆಗೆ ಘಟನೆ ನಡೆದಿದ್ದು, ಗ್ಯಾಸ್ ಕಟರ್ ಬಳಸಿ ರೋಲಿಂಗ್ ಶೆಟರ್ ಮುರಿದು ಬೇಡ್‌ಶೀಟ್ ಹೊದ್ದಿಕೊಂಡು ಬಂದಿರುವ ವ್ಯಕ್ತಿ ಸಿಸಿಟಿವಿಗಳಿಗೆ ಬ್ಲಾಕ್ ಸ್ಪ್ರೇ ಹಾಕಿ ಹಣದೋಚಿ ಎಸ್ಕೆಪ್ ಆಗಿದ್ದಾರೆ.
ಐವರು ದುಷ್ಕರ್ಮಿಗಳು ಕೃತ್ಯ ನಡೆಸಿರುವ ಶಂಕೆ ವ್ಯಕ್ತವಾಗಿದ್ದು, ಎಟಿಎಂ ನಲ್ಲಿ ಎಷ್ಟು ಹಣ ಇತ್ತು ಎಂಬುದರ ಬಗ್ಗೆ ನಿಖರ ಮಾಹಿತಿ ಲಭ್ಯವಾಗಿಲ್ಲ.
ಸ್ಥಳಕ್ಕೆ ಎಸ್‌ಪಿ ಸಿಕೆ ಬಾಬಾ ಭೇಟಿ ಪರಿಶೀಲನೆ ನಡೆಸಿದ್ದಾರೆ.